NYIMBO CIA IBUKU 215 - 239

  MUTHENYA WA GUKA GWAKE JESU  1.  Muthenya wa guka gwake Jesu  Andu aingi ni makarira.  Aria maregire kuhonokio.  Mona ati nowe munene.     Kai gutonga na githomo,  Itigituma ugie muoyo.  Tiga no thakame yake Jesu,  Igagutwara muoyo-ini.     2.  Andu aingi nimarumire Ngai,  Na makirega gwitikia  Nacio thina na maithori.  Ni ikonwo ni andu aingi.     3.  Warumirira watho wa Jesu,  Niukona muoyo kuna.  Andu aingi nimakora,  Tondu ni moinire watho. (Amina)

  MUNDU WA KWIHOKA MWATHANI WITU  1.  Mundu wa kwihoka Mwathani witu.  Mbara cia thi-ino ndagaciona  Tondu Mwathani witu ari hamwe nake.    2.  Riria agacoka Mwathani witu,  Mundu ucio ndakaga kuona muoyo.  Tondu niehokete mwana wa Ngai.     3.  Mucara wake uria akagaya,  Umanite na kuri Mwathani,  Ni muoyo wa tene na tene.    4.  Kiriro kinene ona maithori,  Niikoneka kuri andu aingi.  Makirorio mwaki-ini kwa ngoma.     5.  O mundu mundu o mundu niethagathage,  Tondu Mwathani akirie guka.   Kunengera mundu mucara wake.  (Amina)

  MUNDU WA KWIHOKA MWATHANI WITU  1.  Mundu wa kwihoka Mwathani witu,  Kirathimo giake niakaheo.  Riria Mwathani witu agacoka.     2.  Mundu murathime ari na gikeno  Tondu Jesu niwe ehokete,  Guthii nake, rugendo-ini ruothe.     3.  Andu aria maregire gwitikia  No kuruma marumaga Ngai.  Makarorio mwaki-ini kwa ngoma.    4.  Matuku ma Jesu ma gucoka,  Ni mandikitwo ngoro-ini cia andu.  Ni getha mundu ethagathage     5.  Jesu niagoka na hinya wothe,  Aciirithie kirindi gia thi-ino.  Na kuhe mundu mucara wake.     6.  Mundu Muhonokie ni akona muoyo.  Na giikaro kiega niakaheo  Na niagatura hamwe na Jesu.   (Amina)

  INYUI CIANA CIA NGAI  1.  Inyui Ciana cia Ngai,  Roho niekumuthaitha mutuike  Ta Araika matu-ini     2.  Iburahimu akirathimwo,  Na kirathimo kinene.  Niundu wa uthingu wake na ukiririria     3.  Ariu a nyukwa na aari a thoguo  Aria mwari thiritu imwe.  Nio makoya kiboko,  Na karamu magutuire    4.  Gikeno uthingu na wendani,  Nicio hinguro cia iguru.  Muukire mwiyohe mathaita   Murue na Shaitani    5.  Hindi ya kurigiriria,  Judasi agae muoyo.  Noguo ageririo ni ngoma,  Agitunywo muoyo.     6.  Inyui ndungata cia Ngai,  Mukire mwanirire,  Muuge Jesu ni Mukuri.  Wa nduriri ciothe.  (Amina)

  THII NA WEGA ARATA   1.  Thii na wega arata,  Ngai endaga tukonana.     2.  Muikarage thi-ini wa Roho,  Ngai enda no tukonana.     3.  Muikarage na ngoro theru,  Ngai enda no tukonana,     4.  Wira uyu ni ndimuhete,  Ngamutheria na ngamwihoka.     5.  Mutikamakio ni nduma ya thi,  Tondu nii ndi hamwe na inyui.     6.  Ngoro cianyu itikamakio,  Mwihokei ningumwambatia     7.  Njikurukite kuri anyinyi,  Njonorithie othe aria anene.     8.  Ninjiyurite thiini wa anake,  Na ngaiyura thiini wa airitu.     9.  Nininukiriirie wira wakwa,  Nyinukie atheru kuri Baba.  (Amina)

  MATUKU MAYA TWI NAMO   1.  Matuku maya twi namo nimo ma ithiriro,  Ngoro cia andu aingi ni ikomete.  Gikuu-ini gwa Shaitani.     Nuu uguthii agaciukirie  Nuu uguthii agaciukirie?  Ahunjie uhoro wa ma.  Niguo magae muoyo.     2.  Roho eguthaitha ndungata, irute wira na kiyo  Icokererie ciana cia Ngai,  Niguo moime gikuu-ini     3.  Mutharaba-ini wa Jesu,  Niho hari na muoyo wa mwihia.  Ateng’era ho niekuoya muoyo.    4.  Roho ari na kieha muno,  Tondu wa mugayano wa andu,  Aria maitiriirio Roho,  Makaga gutuika umwe.     5.  Ngai witu niwe wa tha.  Ningi wa wendo munene.  Tondu ni aathurire ndungata,  Niguo ituike utheri.     6.  Inyui ndungata cia Ngai,  Roho niekumuthaitha,  Murumie mathani make,  Niguo murute kirindi.  (Amina)

  NINGUGOCA MUKURI WAKWA URIA WOKIRE THI-INO   1.  Ningugoca mukuri wakwa, uria wokire thi-ino  Na akiruta muoyo wake, agikua ni undu wakwa     Haleluya, Haleluya  Ni tugathii nake oka.     2.  Jesu Kristo ni oimirre iguru, agitiga unene wake  Niguo oke atuhonokie, tume mehia-ini mothe     3.  Nikii kuega ta uhonokio, uria woimire iguru  Ukireherwo kirindi gia thi, na amwe makiurega     4.  Andu guku thi no mukarira, mwona mwarega Jesu  Tondu atumirwo oke amuhonokie, na atuike igai rianyu     5.  Ririkanai mwoima guku thi, mwatiga utonga wanyu  Na maundu maria mwendete, Mutikamona ringi     6.  Menyai ati Ngai niamuui, na nioi wira wanyu  Naguo mucara wanyu wiho na mukaheo mwoima thi.     7.  Kiraniro kia Ngai wiitu, ni mwaki kana muoyo  Ukaheo kii riria ukoima thi, Kristo agira andu   (Amina)

  ROHO MÛTHERU NI MUTONGORIA   1.  Roho Mutheru ni mutongoria  Wa Kanitha Mutheru wa Gaturume (x2).     2.  Athuri a Kanitha nio arori  A Kanitha Mutheru wa Gaturume (x2).     3.  Atumia a Kanitha nio ndungata  Cia Kanitha Mutheru wa Gaturume (x2)    4.  Aanake a Kanitha nio managi  Ma Kanitha mutheru wa Gaturume (x2).     5.  Airitu a Kanitha nio managi  Ma Kanitha Mutheru wa Gaturume (x2).     6.  Kanitha wa Ngai niguo muhiki   Wa kuhikira Muthamaki Jesu (x2).  (Amina)

  THIKIRIRIAI NDURIRI   1.   Thikiririai nduriri cia thi-ino mumenye  Gucoka gwa Gaturume ni gukuhiriirie    2.  Ni agoka na irathimo ona irumi ciothe  Ooke arathime aria endete na arume thu ciake     3.  Aria matuire moigaga Jesu ndagacoka ,  Makarira, magirike ningi matuike nda  Tondu matuire mehagia mathani matheru.     4.  Niagoka na ndagacoka gututiga ringi  Tondu Roho niakonania ciugo iria oigire.    5.  Nduriri igacokererio giikaro-ini kimwe  Hau niho mundu o mundu akonania wira wake.    6.  Na inyui mwetereire Jesu mwimenyagirire  Mutiui mwaka uria agoka na mutiui mweri  Ningi mutiui muthenya kana thaa ciake.     7.  Aria mathanaga thi-ino ona aria mathagwo  Magacokererjo hamwe meranage atiri  Thi-ino tutiri na uhoti mwene yo niokite.    8.  Niakaiyira mihabibu ya mugunda wa ithe  Na mitamaiyu aiyire y...

  MUTHARABA-INI WA MWATHANI   1.  Mutharaba-ini wa Mwathani Jesu  Anyitirwo atari na wihia na akiuragwo    Gocai Jesu; Gocai Jesu,  Aringiri aingi mari ho,  Ndakahonoke    2.  Ni tuthiage tukiinaga,  Nyimbo ciake cia kumugoca Mwathani Jesu     3.  Arikia kwambwo agithekererwo  Akiruo ni uhonokanagia wihonokie    4.  Ona Simoni uria Mukureni  Aathiire amukiiire muti wakwambwo naguo     5.  Ni arikaniire na arutwo ake  Ndathii kumuthondekagira ha gugaikara     6.  Ni tukamuona Mwathani Jesu   Giti-ini kia Ngai kia unene agithaithana.  (Amina)

  ANDU AYA MUIGUITE UHORO  1.  Andu aya muIguite uhoro uria mwega,  Mwimenyererei mucukani,  Ahoeire ngoro cianyu rutha  Mugerio niguo Mugaruruke.    Hoyai na hinya, niguo Ngai wanyu amuiguire  Tha Niguo ngoro cianyu itigatahwo  Ni maundu maria mari thi-ino.     2.  Ahoeire ngoro cianyu igie uguta  Wa kwaga guthaithara he Ngai,  Na wa kwaga guthii nyumba yake  Guthikiriria uhoro uria mwega.     3.  Ahoeire maitho manyu rutha  Merorere maundu ma tuhu  Na maundu maria meguthira  Ngoro itikagie kirigiriro    4.  Ahoeire nimi cianyu rutha  Ciaragie ciugo iria itari bata  Niguo ugima wa Roho Mutheru  Wage uikaro ngoro-ini cianyu.     5.  Ahoeire matu manyu rutha  Maiguage maundu ma tuhu  Na maundu maria meguthira  Ngoro itikagie kirigiriro     6.  Garurirai mithiire yanyu  Na mugarurire ciiko cianyu ...

  ROHO MUTHERU OIMIRE IGURU   1.  Roho Mutheru oimire iguru agiuka gutongoria  Andu aria mageraga njira ya guthii matu-ini.     Roho niwe mutuhoeri, na agatuthauithanira,  Na mucayo utangigweteka Akoiga Aba Baba    2.  Anabi ni maarathire uhoro wa Mwathani  Mena hinya na umiriru wa Roho Mutheru.    3.  Roho ni aikurukiire atumwo mari Jerusalem  Akigarura ngoro ciao akimahe hinya.    4.  Marikia kuheo hinya ucio makiendia ithaka ciao  Magithii kumburira andu othe uhoro wa Mwathani    5.  Maahunjirie na ucamba muingi mena hinya wa, Roho  Makihonagia andu mirimu na kuriukia aria akuu     6.  Roho Mutheru atonya thiini ahehenjaga ciiga  Agatharia nyumba ya tene agaka ingi njeru.   (Amina)

  ANDU AITU TA THIKIRIRIAI   1.  Andu aitu ta thikiririai  Ihinda ria Mwathani witu,  Ni nguigua ta rikuhiriirie  Ngwika atia niguo ngakinya kuo.    2.  Aiyire ngoro cia arutwo ake,  Aria mamuhikagira thi  Cianyu igakorwo ciikaire atia,  Ngwika atia niguo ngakinya kuo.    3.  Ndirica ciothe cia matu-ini  Ciahingurirwo ni undu witu  Nake Ngai ni atwetereire  Na Jesu niguo tukinye kuo.     4.  Mwathani aikurukiire mucii  Wa Jerusalem ekuiire  Mutharaba wa kwambwo naguo  Ngwika atia niguo ngakinya kuo,     5.  Andu othe a Mabururi-ini  Mohaga itambaya njohero  Magatheka ni gutumena  Ngwika atia niguo ngakinya kuo.     6.  Riu mwiharirie tucambio  Tukiigagirirwo igenyo  Ni undu wa ritwa ria Mwathani  Ngwika atia niguo ngakinya kuo.    7.  Mbuku ya Mathayo yugaga  Gukena ni aria macambagio ...

  THI INO NDIRI NA UHURUKO   1.  Thi ino ndiri uhuruko na ndiri na handu  Kundu gwakwa ni matu-ini nikuo ngahuruka    Ningutoria ngahuruke matu-ini iguru  Kuu nikuo ngaikaraga na aria manakinya     2.  Thi-ino nduraga na thina na ruo runene  Njetereire guthii iguru nokuo ngahuruka.    3.  Thi ino nduraga na thina na kuhinyiririo  Muthenya umwe ni ngakinya njeherere thina.     4.  Ona ndona thina muingi na ruo runene  Ndina wihoko munene thi-ino ndigutuura.     5.  Ona mbaara ingineneha ya rugendo ruru  Ni ngutoria ndihokete ritwa ria Mwathani.    6.  Ona mbura ingiura nene na nduma inenehe Ona kugie na utenderu ni ngwiyumiriria.   (Amina)

  NGAI ENA MARAKARA   1.  Ngai e na marakara maingi muno makiria  Ni arenda gucina thi namo  Jesu akamuthaitha ;Akamwira tiga Baba  Ciana itiri irathira thi”   Muthamaki Jesu; Kigongona githeru  Gia kuhoreria ngoro ciothe    2.  Riu Araika a Ngai, mena maithori maingi  Makirandura ruo rwao  Makoria Jesu Thakame iria iitu  Ugacirithania ri umirihie?”     3.  Riu araika a Ngai maiyuritwo ni urume  Marenda moke mahuure thi  Jesu akamathaitha akameera kuria thi  Ciana itiri irathira biu     4.  Thina wa muingihira na ruo rwa ngoro  Na magerio ma mithemba yothe  Tigai kuigua kieha muthenya no umwe  Jesu agatua ciira muhorerio     5.  Athuuri na atumia na anake na airitu  Na ciana Caitani amugeria  Umiririai ngoro tondu aria me iguru  Marahorerio ni undu wanyu     6.  Andu a gwa Caitani matikahorerio  Makoiga mbu mu...

  NYUMIRIIRWO NI MUGAMBO   1.  Nyumiriirwo ni mugambo umite iguru  Ukanjira ndina haaro ndarega kwirira  Nanii ndina kieha muno ngoro-ini yakwa  Tondu ndiri ndirerira o nginya tene    Ng’ombe na mburi na mbia itiri na bata  Ndiyoneire uhonokio uri kwa Mwathani    2.  Nguikia maitho ngona Jesu ari riera-ini  Akiheneria na moko twambate iguru  O na ingicambio ni andu kana mamene  Ngionaga riri wa Jesu ndi na gikeno    3.  Nguikia maitho ngona mwaki uri gwa Shaitani  Ngoria niki kingituma ndiweherere?  Nguona miago na moriru ihaana tuhu  Nyumba yakwa na uriri iri kwa Jesu    4.  Andu aingi matuite atiri na ngoro ciao  Ngetikia Mwathani Jesu ndamuona na maitho  Na nii ngumwira atiri arata akwa  Jesu ndonagwo na maitho tiga ngoro     5.  Muthuri uyu mutumia mwina kiriro  Wiriri umukinyiire mwawagira bata  Mwanake uyu muiritu uyu mwina...

  NDATUIRE NJURURAGA  1.  Ndatuire njururaga  Ndituhiirwo ni mehia  Na ngiaga uteithio wothe  Wakunjehereia mehia.     Ngukumia Muhonokia  Rikumio ritwa riake  Nirio rikirite mothe  Arokumio Jesu Muhonokia.     2.  Kinya riria ndakinyire   Hau he Mutharaba   Hau niho hajagiriire  Ndikariganirwo niho    3.  Niho haari kiambiriria  Gia gikeno giki giakwa   Hau niho murigo  Wakwa ndautigire.     4.  Hau he Mutharaba  Haheanagwo tigiti  Wa gutonya matu-ini  Utari wa kanitha.     5.  Muthuri umwe kirimu  Athiire atari tigiti  Erigiriire gutonya  Na aria maari na tigiti.     6.  Akinya kihingo-ini  Akirwo arute tigiti  Wa kuonia mwene iruga  Agikoruo atari naguo.     7.  Kieha kiria turi nakio  Ni inyui mutari tigiti  Muikaire ta kirimu  Kinya mut...

  INYUOTHE IGUAl MITUGO  1.   Iguai inyuothe mitugo, ya uthingu  Ya atumia na airitu, aria a tene    Ngombo theru cia Mwathani ciaiyuirwo ni tha  Na utugi na uhoreri na kwinyihia na gwathika     2.  Atumia na airitu, na airitu  Sara niwe wamonirie, gwathikaga    3.  Rebeka ndungata theru, ya kwihokeka  Ni onganiirwo ni andu ao, akirathimwo    4.  Lea ni akuire agithikwo, Makipela  Miriamu aagoceire Ngai, rugendo-ini    5.  Debora ni atumire ita, ciumiririe  Joshua akirugamia riua mbara iruo     6.  Naomi erirwo ni Ruthu, na mwihitwa  Nii Ngai wakwa arothura, ndagutiga    7.  Hana ni athiire hekaru, ya Jehova  Ena ruo ngoro thi-ini, na maithori    8.  Nake Esiteri oigire, ni ahoerwo  Mithenya itatu agiteithia, andu ao othe     9.  Mariamu nimakenire, magethania na Elizabeth  Na Elizabethi Ro...

 ANDU A MWATHANI TEGAI MATU 1.  Andu a Mwathani tegai matu ma ngoro cianyu  Muigue mataaro maria Jesu atarire atumwo  Kirima-ini  Ni mukaneanwo kuri ciana cia athuri  Munyarirwo na muhurwo mugicirithagio  Ni undu wa ritwa riakwa     2.  Nduriri ni igokanirira na mothamaki mothe  Na kugie ng’aragu na ithingithia na moriru na ciama     3.  Nake akimera mutikanamake kana muinaine ngoro  Ti inyui mikaria ni Roho atorie athamaki a thi    4.  Andu aria othe maregire Jesu ni makarira mona agiuka  Aria na itu riera-ini guthingithia thi yothe.     5.  Andu aria othe mendete Jesu cuthiririai muone  Muhonokia witu ari riera-ini na thumbi ya gutoria    6.  Mundu uria ukwenda kugaya muoyo na thumbi ya uthamaki  Ni arumie wega watho wa Jesu na Roho muira wake.     7.  Ngwiyuria na ngoro ngakorwo ha muthenya wa ituiro  Aria atheru makigaya muoyo na ...

 NGUMUTHAITHA ANDU AITU   1.  Ngumuthaitha andu aitu  Muthambitio na thakame  Yumite kwi muhonokia  Mwikuirei mutharaba.   Nyitanai andu aitu  Inyui aari na airu a Baba  Tukue indo cutu cia mbaara  Tuhurane na Caitani.     2.  Nyamukano yumaga ku  Kuri ari na ariu a Baba  Na muhonokia no umwe  Uria watuhonokirie.     3.  Rugendo ruru ni rwa thina  Na muthia ni gikeno  Nitukamuona Ngai Baba  Na Jesu Muhonokia witu.     4.  Jesu wakwa ndaguthaitha  Uhonokie mauru-ini  Niguo ngakinya iguru  Ngature kuo na gikeno    5.  Wee utahonoketio  Jesu wiitu ni egukwira  Ndakuire iguru riaku  Wee ukundega ni ki?     6.  Wee utahonoketio  Jesu ni egugwita riu  Warega na mehia maku  Mucara wa mehia ni gikuu.  (Amina)

  HI NI MAKITE MUNO   1.  Hi ni makite muno tondu thi, Ni yagite Mwiri  Ini tondu Ngai ni arikitie wira wake guku thi  Nake akeyugira na kanua gake, Hingurai matu  Nduru ici nemi muigue mumenye  Iguai, Iguai andu  Riu thi ni thiiru     2.  Wendo wa andu na ikeno ciao  Riu ni ininitwo  Ona miago yao na magongona  Niguo andu merire     3.  Iguai riu ciana cia Ngai  Inyui mwitikitie  Mwihumbei riri wa Gaturume  Muhingurirwo     4.  Caitani riu ni okiriirie giti giake  Gia uthamaki nikio ohorirwo  Onganie magetha     5.  Nao araika a Gaturume riu mehariirie  Mohwo indo cia mbaara  Na hiu cia njora  Monganie magetha     6.  Aremi othe ni atuire ituiro  Ria guthii matu-ini  Magatuirwo ciira na kihoto  Marorio mwaki-ini     7.  Roho ni aroiga muno makiria  Ni aninite wira wake guku thi ...

  NDIRATUIRE NDI MUREMI  1.  Nditatuire ndi muremi wa maundu maingi  Njohi na utharia  Na nyama cia ngoma ndikwenda  Ariu a Baba muri ahoro  Na airitu a Baba muri ega  Na ciana cia ngenge    2.  Ndiratuire hithite ngoro kiugu gwa Shaitani  Roho oka akihingurira  Ngikena na ngiririria Roho tuthii nake     3.  Aria mena nguo njeru othe mari na ku?  Na Jesu ni aramacaria akienda kumatwara  Kuria iguru makahuruke na Mwathani wao     4.  Ndirendire kuhitithio ni murata wakwa  Ngiona wega tutigane  O mundu njire yake     5.  Riria mukona mwamemwo  Na muthunwo ni andu  Nao ni makaherithio ni muraika wakwa     6.  Ni kigiriko kinene  Mundu atige ithe na nyina  Magiikio mwaki-ini korwo ni mooi merire  Matingiatigana     7.  Muhiriga wa oragi Habili niukehio  Na aria mamenete Roho  Makahia nginya tene. ...

WAGANU WAINGIHA  1.   Waganu waingiha itura ria Sodomu  Ngai akiuga ni ekunuha itura ria Sodomu     Umai mwithare, narua, mutiuke twithare  Thi-ino niroka kunuhwo,  Umai mwithare     2.  Ngai akira Loti, umai na ihenya  Na andu a nyumba yaku yothe Sodomu ni ikuhia    3.  Ruoro rugitema, makihikahikwo  Umai narua na ihenya mutikehugure    4.  Ngai akira Loti wina andu angi guku  Tha athoni aku na arata aku umere methare     5.  Athoni na arata marega gwitikia  Makininanirio hamwe na Sodomu na Gomora    6.  Loti ni etharire erekeire Zoari  Gatuura kaari kanini na gationuhirwo    7. Kirindi gia thi-ino, ni kiriganiirwo Uge wa Jehovah Ngai ndugarurukaga  (Amina)

UTHERI WI KIRIMA-INI  1.  Utheri wi kirima-ini, utheri wi iria-ini  Miruri imurikite kurîa kururu wega  Ni utheri mwega wa Jesu umurikite Ngoro  Tondu Mwathani e thi-ini ta miruri ya riua    Ni ukengi mwega wa Jesu  Umurikite ngoro  Jesu athekia hanini  Kieha no gigathira    2.  Utheri wi kirima-ini, utheri wi iria-ini  Mwathani njakiria tawa na nduma uninire  Rugendo rwaka ndanina na wira wakwa njuke  Matu-ini ni ngakenaga na nguinamagirire    3.  Nguguithia kieha tiri-ini, Ota nguo ndaruku  Uhumbe gikeno giaku hotage gugukumia  Mucii ucio wa matu-ini kuu wendaga njuke  Meciria na ngoro yakwa ni igukurumirira     4.  Mwathani ni ungurite, O hamwe na indo ciakwa  Tawa ucio unjakiirie ni wa gukugocithia  Mucii ucio wa matu-ini kuu wendaga njuke  Meciria na ngoro yakwa ni igukurumirira   (Amina)

  MUSA ERIRWO AKAHURE MISIRI   1.  Musa erirwo akahure Misiri ni Jehova  Agiteng’era muno ta ari na mathagu     Misiri ya keri ni thi-ino tuikarite  Ngai akamiitiriria mwaki na ubiriti    2.  Ngai amwirire akinya aikie ruthanju thi  Rutuike nyamu ihote Anabii aria oru    3.  Kuu kwa Firauni Musa erirwo atuike  Ngai bururi ucio uria oiga gugekwo     4.  Kwaiyuririo ngi guothe na thuya na ciura  Ng’ombe ciao ikiuragwo na ironda ikigia andu    5.  Maai mothe matuirwo ni Musa thakame  Andu akuo makinyota matuku mugwanja     6.  Mbura ya mbembe ikiura ikihia irio ciao  Na iria ciatigarire ngigi ikiria ciothe    7.  Ciana ciao ikiuragwo cia marigithathi  Hindi io Firauni Akimera mathii    8.  Thutha-ini nduma nayo ni ya mahumbiire  Maikarire na nduma matuku matatu    9.  Maundu macio nimo ngerekano iitu ...